ചെന്നൈ : തീവണ്ടിയില് വെച്ച് വനിതാ ഡോക്ടറെ പീഡിപ്പിക്കാന് ശ്രമിച്ച സംഭവത്തില് പ്രതി പിടിയില്. ബേപ്പൂര് കളത്തിങ്കല് പറമ്പില് റഫീക്കിനെയാണ് (36) തമിഴ്നാട് ഈറോഡ് പോലീസ് അറസ്റ്റ് ചെയ്തത്. ബര്ത്തില് ഉറങ്ങുകയായിരുന്ന 43-കാരിയായ ഡോക്ടറെ ഇയാള് കടന്ന് പിടിക്കുകയായിരുന്നു. ചെന്നൈയില്നിന്ന് മംഗലാപുരത്തേക്ക് വരുകയായിരുന്നു തീവണ്ടി. സേലം – ഈറോഡ് റെയില്വേ സ്റ്റേഷനുകള്ക്കിടയിലാണ് സംഭവം നടന്നത്. ചെന്നൈയില് നിന്ന് കണ്ണൂരിലേക്ക് യാത്ര ചെയ്യുകയായിരുന്നു വനിതാ ഡോക്ടര്. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
