കൊല്ലം : നാലുമാസം ഗര്ഭിണിയായ മകളെ ചവിട്ടി കൊലപ്പെടുത്താന് ശ്രമിച്ചെന്ന പരാതിയില് പിതാവ് അറസ്റ്റില്. കടയ്ക്കലിലാണ് പരിസരവാസികളെ നടുക്കിയ സംഭവം അരങ്ങേറിയത്. കിളിമാനൂര് കൊപ്പം സ്വദേശി സതീശനെയാണ് കടയ്ക്കല് പോലീസ് അറസ്റ്റ് ചെയ്തത്. കശുവണ്ടി ഫാക്ടറിയിലേക്ക് സ്കൂട്ടറില് ജോലിക്ക് പോയ മകളെ വാഹനം തടഞ്ഞു നിര്ത്തി കൊല്ലാന് ശ്രമിക്കുകയായിരുന്നുവെന്നാണ് വിവരം.
നാട്ടുകാര് പ്രതിയെ തടഞ്ഞു വച്ചാണ് പോലീസിന് കൈമാറിയത്. രണ്ടു കൊലപാതക കേസുകളില് ശിക്ഷ കഴിഞ്ഞ് പുറത്തിറങ്ങിയ പ്രതിയാണ് ഇയാളെന്ന് പോലീസ് പറഞ്ഞു. ഉപദ്രവം സഹിക്കാനാകാതെ പ്രതിയുടെ ഭാര്യ നേരത്തേ വീട് വിട്ടിറങ്ങിയിരുന്നതാണെന്നും പോലീസ് വ്യക്തമാക്കി.
