കോതമംഗലം : കോതമംഗലം കോട്ടപ്പടി വടക്കുംഭാഗത്ത് കാട്ടാനകൂട്ടം കൃഷിനശിപ്പിച്ചു. വടക്കുംഭാഗം മടത്തുംപാറ റെന്നിയുടെ ഒരേക്കറില് കൃഷി ചെയ്ത് ഇഞ്ചിയും മഞ്ഞളുമാണ് ആനകൂട്ടം നശിപ്പിച്ചത്. പുതുക്കുന്നത്ത് ജോസിന്റെ പറമ്പില് പാട്ടത്തിനെടുത്ത് ചെയ്ത ഇഞ്ചി കൃഷിയാണ് ആനകള് ചവിട്ടിമെതിച്ചത്. അരയേക്കറോളം ഭാഗത്തെ ഇഞ്ചികൃഷി ഉപയോഗശൂന്യമായി.
ജോസിന്റെ വീടിന്റെ തൊട്ടടുത്ത പുരയിടത്തില് ചക്കപ്പഴം തിന്നാനെത്തിയ ആനകളാണ് പഴം തിന്ന ശേഷം കൃഷിനാശം വരുത്തിയത്. നാട്ടുകാര് വിവരം അറിയിച്ചതനുസരിച്ച് സ്ഥലത്തെത്തിയ ദൗത്യസംഘം ആനകളെ തുരത്തി കാട്ടിലേക്ക് ഓടിച്ചുവിട്ടു. തുരത്തുന്നതിനിടെ ആനകള് ഓടി ഇഞ്ചി കൃഷിക്ക് കൂടുതല് നാശം ഉണ്ടാക്കിയതായും പറയുന്നു.
