ഹരിപ്പാട് : വീടിനു സമീപം ഗൃഹനാഥനെ മരിച്ച നിലയില് കാണപ്പെട്ട സംഭവം കൊലപാതകമെന്ന് തെളിഞ്ഞു. സംഭവവുമായി ബന്ധപ്പെട്ട് അയല്വാസിയെ പോലീസ് അറസ്റ്റ് ചെയ്തു. താമല്ലാക്കല് കൊച്ചുവീട്ടില് രാജീവിനെയാണ് (രാജു 48) പോലീസ് അറസ്റ്റ് ചെയ്തത്. കുമാരപുരം താമല്ലാക്കല് വടക്ക് പുത്തന്പുരയില് ഷാജിയെയാണ് (54) കഴിഞ്ഞ മാസം 21-ന് രാവിലെ വീടിനു സമീപം മരിച്ച നിലയില് കണ്ടെത്തിയത്. തലക്കേറ്റ ക്ഷതമാണ് മരണ കാരണമെന്നാണ് പോസ്റ്റ്മോര്ട്ടം റിപ്പോര്ട്ട്. നാട്ടുകാരില് ചിലര് മരണത്തില് സംശയം പ്രകടിപ്പിച്ചതിനെത്തുടര്ന്ന് രഹസ്യാന്വേഷണ വിഭാഗവും പോലീസും നടത്തിയ അന്വേഷണത്തിലാണ് ദുരൂഹത വെളിപ്പെട്ടത്. പരിസരത്തു നിന്ന് ദുര്ഗന്ധം വമിക്കുന്നുണ്ടെന്ന് പ്രതിയുടെ അമ്മയാണ് പോലീസില് വിവരം അറിയിച്ചത്. ഡി.വൈ.എസ്.പി അലക്സ് ബേബി, സി.ഐ ബിജു വി നായര് എന്നിവരുടെ നേതൃത്വത്തിലായിരുന്നു അറസ്റ്റ്. പ്രതിയെ കോടതിയില് ഹാജരാക്കി.
