മുംബൈ : പടിഞ്ഞാറന് മുംബൈയിലെ കാണ്ടിവാലിയില് ലോക്ക്ഡൗണ് സമയത്ത് വീടിന് പുറത്തിറങ്ങിയ സഹോദരനെ കൊലപ്പെടുത്തിയയാള് അറസ്റ്റില്. രാജേഷ് ലക്ഷ്മി താക്കൂര് എന്ന 28 കാരനാണ് അറസ്റ്റിലായത്.
ബുധനാഴ്ച രാത്രി നിയന്ത്രണം ലംഘിച്ച് വീടിന് പുറത്തിറങ്ങിയ ഇളയ സഹോദരന് ദുര്ഗേഷിനെ രാജേഷ് ആക്രമിക്കുകയായിരുന്നു. കൊവിഡ് ഭീതി നിലനില്ക്കുന്ന മേഖലയായതിനാല് പുറത്തിറങ്ങരുതെന്ന് തുടര്ച്ചയായി ആവശ്യപ്പെട്ടിട്ടും ദുര്ഗേഷ് വീട്ടില്നിന്നും പോയതാണത്രെ.
പുറത്തുപോയി തിരിച്ചുവന്ന ദുര്ഗേഷുമായി രാജേഷും ഭാര്യയും വഴക്കുണ്ടാക്കുകയും മൂര്ച്ചയേറിയ ആയുധം കൊണ്ട് കുത്തുകയുമായിരുന്നു. പരിക്കേറ്റ ദുര്ഗേഷിനെ ഇവര് തന്നെ ആശുപത്രിയില് എത്തിച്ചെങ്കിലും രക്ഷിക്കാനായില്ല. പൂനെയിലെ ഒരു സ്വകാര്യ സ്ഥാപനത്തില് ജോലി ചെയ്തിരുന്ന ദുര്ഗേഷ് കൊവിഡ് വ്യാപനത്തെ തുടര്ന്ന് വീട്ടിലെത്തിയതായിരുന്നു.
