കല്പറ്റ : സ്ത്രീകൾക്കും കുട്ടികൾക്കും സ്വന്തം അശ്ലീല വീഡിയോ അയച്ചയാളെ വയനാട് സൈബർ ക്രൈം പോലീസ് അറസ്റ്റ് ചെയ്തു. സ്ത്രീകളുടെയും പെൺകുട്ടികളുടെയും നമ്പർ ശേഖരിച്ച് വീഡിയോകോൾ ചെയ്യുകയും സ്വന്തം അശ്ലീല ദൃശ്യങ്ങൾ അയച്ചു നൽകുകയും ചെയ്ത തിരുവനന്തപുരം പൊന്മുടി സ്വദേശി ഷൈജുവിനെയാണ് തമിഴ്നാട്ടിലെ തിരുപ്പൂരിൽനിന്ന് പിടികൂടിയത്.
ഇയാൾക്കെതിരേ വയനാട് ജില്ലയിൽനിന്ന് നിരവധി പരാതികൾ ലഭിച്ചിരുന്നു. തുടർന്ന് മാസങ്ങൾ നീണ്ട അന്വേഷണത്തിനൊടുവിലാണ് പ്രതിയെ തമിഴ്നാട്ടിൽനിന്നും കണ്ടെത്തിയത്. ഇയാളുടെ മൊബൈൽ ഫോണും പിടിച്ചെടുത്തിട്ടുണ്ട്. സൈബർ പോലീസ് ഇൻസ്പെക്ടർ ജിജീഷിന്റെ നേതൃത്വത്തിൽ സൈബർ പോലീസ് ഉദ്യോഗസ്ഥരായ സലാം, ഷുക്കൂർ, രഞ്ജിത്ത്, പ്രവീൺ എന്നിവരാണ് ഇയാളെ പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.
