കോട്ടയം: ഏറ്റുമാനൂരില് വീട്ടമ്മയെ ഭീഷണിപ്പെടുത്തി പീഡിപ്പിച്ച് നഗ്നദൃശ്യം പ്രചരിപ്പിച്ച് പണം തട്ടിയയാള് അറസ്റ്റില്. പിറവം മലയില് വീട്ടില് അതുല്. എസ് (23) എന്നയാളെയാണ് ഏറ്റുമാനൂര് പോലീസ് അറസ്റ്റ് ചെയ്തത്. ഏറ്റുമാനൂര് സ്വദേശിയായ വീട്ടമ്മയുമായി സമൂഹമാധ്യമത്തിലൂടെ പരിചയപ്പെട്ട അതുല്, അവരെ ഭീഷണിപ്പെടുത്തി ലൈംഗികമായി പീഡിപ്പിക്കുകയായിരുന്നു. തുടര്ന്ന് നഗ്നദൃശ്യങ്ങള് കൈക്കലാക്കി സമൂഹമാധ്യമങ്ങളില് പ്രചരിപ്പിക്കാതിരിക്കാന് മറ്റ് പെണ്കുട്ടികളെ എത്തിച്ച് നല്കണമെന്ന് പറഞ്ഞ് ഭീഷണിപ്പെടുത്തുകയും ചെയ്തു.
എന്നാല് വീട്ടമ്മ ഇത് നിരസിച്ചതോടെ വീട്ടമ്മയുടെ ചിത്രം ഉപയോഗിച്ച് വ്യാജ ഫേസ്ബുക്ക് അക്കൌണ്ടി ഉണ്ടാക്കുകയും നിരവധിപ്പേരുമായി സൌഹൃദം സ്ഥാപിച്ച് നഗ്നദൃശ്യങ്ങള് അയച്ചുനല്കുകയും ചെയ്തു. ഇവര്ക്ക് വീട്ടമ്മയുടെ വാട്സാപ്പ് നമ്പര് കൈമാറുകയും വീഡിയോ കോള് ചെയ്യുന്നതിനായി മുന്കൂറായി പണം വാങ്ങുകയും ചെയ്തു. ഇതേത്തുടര്ന്ന് വീട്ടമ്മ ഏറ്റുമാനൂര് പോലീസില് പരാതി നല്കുകയായിരുന്നു.
