കൊടുങ്ങല്ലൂര്‍ : 12 വയസ്സുകാരനെ പ്രകൃതിവിരുദ്ധ പീഡനത്തിനിരയാക്കിയ വയോധികന്‍ പോക്സോ കേസില്‍ അറസ്റ്റില്‍. മതിലകം പുന്നക്ക ബസാര്‍ സ്വദേശി കണ്ണോത്ത് വീട്ടില്‍ സുബ്രഹ്മണ്യനെയാണ് (67) മതിലകം പോലീസ് അറസ്റ്റ് ചെയ്തത്. 12 വയസ്സുകാരന്‍റെ പരാതിയുടെ അടിസ്ഥാനത്തിലാണ് അറസ്റ്റ്. പ്രകൃതിവിരുദ്ധ പീഡനത്തിനിരയാക്കിയെന്നാണ് പരാതി. മതിലകം എസ്.ഐ വി.വി. വിമലും സംഘവും ചേര്‍ന്നാണ് ഇയാളെ അറസ്റ്റ് ചെയ്തത്. അറസ്റ്റ് ചെയ്ത പ്രതിയെ കോടതിയില്‍ ഹാജരാക്കിയ ശേഷം റിമാന്‍ഡ് ചെയ്‌തു.
