പരവൂര് : മകളുടെ കാല് തല്ലിയൊടിച്ച് അച്ഛന്. വീട് നിര്മ്മിക്കുന്നതിന് സര്ക്കാരില് നിന്നും ലഭിച്ച പണത്തിന്റെ പങ്ക് നല്കിയില്ലെന്ന് ആരോപിച്ചാണ് കാല് തല്ലിയൊടിച്ചത്. നെടുങ്ങോലം കൂനയില് ബിന്ദുവിലാസത്തില് അജയനെയാണ് പരവൂര് പോലീസ് പിടികൂടിയത്. മകള് അഞ്ചുവിന്റെ കാലാണ് ഇയാള് കട്ടിളകൊണ്ട് അടിച്ച് ഒടിച്ചത്. കാലിന്റെ അസ്ഥിക്ക് പൊട്ടലുണ്ടായ അഞ്ചു നിലവില് നെടുങ്ങോലം താലൂക്ക് ആശുപത്രിയില് ചികിത്സയിലാണ്. അഞ്ചുവിന് പരവൂര് നഗരസഭയില് നിന്ന് വീട് നിര്മ്മാണത്തിന് സഹായം ലഭിച്ചിരുന്നു. വീടിന്റെ പണി ആരംഭിക്കുകയും ചെയ്തു. ഏറെക്കാലമായി വീട്ടില്നിന്നു മാറി പാരിപ്പള്ളിയില് താമസിക്കുകയായിരുന്ന അജയന് ഇതറിഞ്ഞെത്തി പണത്തിന്റെ പങ്ക് ആവശ്യപ്പെട്ടു. ഇത് വിസമ്മതിച്ചതിനെ തുടര്ന്നാണ് പ്രതി മകളെ ആക്രമിച്ചതെന്ന് പോലീസ് വ്യക്തമാക്കി.
