റെവാരി : മദ്യലഹരിയില് ഭര്ത്താവ് ഭാര്യയെ കോടാലി കൊണ്ട് വെട്ടിപ്പരിക്കേല്പ്പിച്ചു. ഹരിയാനയിലെ ധരുഹേരയിലാണ് സംഭവം. 28 കാരിയായ പിങ്കിക്കാണ് ഗുരുതര പരിക്കേറ്റത്. സംഭവത്തില് പരിക്കേറ്റ യുവതിയെ ആശുപത്രിയില് പ്രവേശിപ്പിച്ചു. ഇവരുടെ ആരോഗ്യനില തൃപ്തികരമാണ്. യുവതിയുടെ മൊഴിയെടുത്ത ശേഷം പോലീസ് ഭര്ത്താവ് അജിത് സിംഗിനെ അറസ്റ്റ് ചെയ്തു. ചോദ്യം ചെയ്യലില് ഇയാള് കുറ്റം സമ്മതിച്ചു.
കടുത്ത മദ്യപാനിയായ അജിത്ത് പതിവായി കുടുംബ കലഹമുണ്ടാക്കിയിരുന്നു. പിങ്കിയെ മര്ദിക്കുകയും ചെയ്തിരുന്നു. ഇതില് മനംമടുത്ത പിങ്കി ഒറ്റയ്ക്കാണ് താമസിച്ചിരുന്നത്. ഉപജീവനത്തിനായി ഒരു ബ്യൂട്ടി പാര്ലര് തുടങ്ങുകയും ചെയ്തു. ഈ ബ്യൂട്ടിപാര്ലറില് അതിക്രമിച്ച് കയറിയാണ് അജിത് സിംഗ് പിങ്കിയെ ആക്രമിച്ചത്. പിങ്കിയുടെ സഹോദരന്റെ പരാതിയില് പോലീസ് അജിത് സിംഗിനെതിരെ വധശ്രമത്തിന് കേസെടുത്തു.