തൃക്കാക്കര : ഭാര്യ മദ്യക്കുപ്പി ഒളിപ്പിച്ചുവച്ചതിന്റെ മനോവിഷമത്തില് ഉണിച്ചിറ ചാഴിക്കോടാത്ത് വീട്ടില് ജോസി ജോണ് (46) തൂങ്ങി മരിച്ചു. ഓട്ടോ തൊഴിലാളിയാണ് മരിച്ച ജോസി. ഇന്നലെ രാവിലെ എട്ടുമണിയോടെയാണ് സംഭവം. ജോസിയുടെ മാതാവ് കളമശ്ശേരി മെഡിക്കല് കോളേജില് ചികിത്സയിലായിരുന്നു. ഇന്നലെ രാവിലെ പിതാവിനെ ആശുപത്രിയില് കൂട്ടിരിപ്പിനായി എത്തിച്ച ശേഷം മടങ്ങിയെത്തിയ ജോസി തലേന്ന് വാങ്ങിവച്ചിരുന്ന മദ്യക്കുപ്പി അന്വേഷിച്ചെങ്കിലും കണ്ടില്ല. ഇതു സംബന്ധിച്ച് ഭാര്യയുമായുണ്ടായ തര്ക്കത്തിനു പിന്നാലെ ജോസി വാടക വീട്ടില് തൂങ്ങിമരിക്കുകയുമായിരുന്നു. ഭാര്യ സമീപവാസികളെ വിളിച്ച് കയര് മുറിച്ച് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. സംസ്കാരം നടത്തി.
