പത്തനംതിട്ട : പത്തനംതിട്ട ജില്ലാ പഞ്ചായത്ത് പ്രസിഡന്റും സിപിഎം നേതാവുമായ ഓമല്ലൂർ ശങ്കരന് അപകടത്തിൽ ഗുരുതര പരിക്ക്. ഇന്ന് രാവിലെ 11.45 ഓടെ പത്തനംതിട്ട സ്റ്റേഡിയം ജംഗ്ഷനിൽവെച്ചാണ് അപകടം ഉണ്ടായത്. ഡിവൈഎഫ്ഐ സംസ്ഥാന സമ്മേളന വേദിയായ പത്തനംതിട്ട ജില്ലാ സ്റ്റേഡിയത്തിൽ ക്രമീകരണങ്ങൾ വിലയിരുത്തുന്നതിനായി രാവിലെയോടെയാണ് സഹപ്രവർത്തകരുമായി ഓമല്ലൂർ ശങ്കരൻ എത്തിയത്.
സഹപ്രവർത്തകരുമായി സമ്മേളന ഒരുക്കങ്ങൾ വിലയിരുത്തിക്കൊണ്ട് ജില്ലാ സ്റ്റേഡിയത്തിന് സമീപത്തെ റിങ് റോഡിൽ നിൽക്കവെയാണ് അമിത വേഗതയിൽ പാഞ്ഞെത്തിയ വാഹനം അദ്ദേഹത്തെ ഇടിച്ച് തെറിപ്പിച്ചത്. ശരീരമാസക്കാലം പരിക്കേറ്റ അദ്ദേഹത്തെ സഹപ്രവർത്തകർ പത്തനംതിട്ട ജില്ലാ ആശുപത്രിയിൽ പ്രവേശിപ്പിച്ചു. ഇടിച്ചിട്ട് വാഹനവുമായി ബന്ധപ്പെട്ട കൂടുതൽ വിവരങ്ങൾ ലഭിച്ചിട്ടില്ല. ആരോഗ്യ വകുപ്പ് മന്ത്രിയും ആറന്മുള എംഎൽഎയുമായ വീണാ ജോർജ്ജും സിപിഎം നേതാക്കളും ജില്ലാ ആശുപത്രിയിൽ എത്തിയിട്ടുണ്ട്. കൂടുതൽ വിവരങ്ങൾ ലഭിച്ചിട്ടില്ല.
