റിയാദ്: സൗദിയില് പ്രവാസി യുവാവ് തൂങ്ങി മരിച്ചു. മൂന്നു മാസം മുമ്പ് തൊഴില് വിസയില് സൗദി അറേബ്യയില് എത്തിയ തമിഴ്നാട് സ്വദേശിയായ 23 വയസുകാരനെയാണ് മരിച്ച നിലയില് കണ്ടെത്തിയത്. തമിഴ്നാട് ശങ്കരപുരം കള്ളകുറച്ചി വെളിപ്പുറം സ്വദേശി ശരണ് കുമാറാണ് ദക്ഷിണ സൗദിയിലെ ബീഷയില് ജീവനൊടുക്കിയത്. ബിഷക്ക് സമീപം അസ്മി എന്നു സ്ഥലത്ത് വെച്ചായിരുന്നു സംഭവം.
ശരണ്കുമാറിന് കഴിഞ്ഞ ദിവസമാണ് ജോലി ലഭിച്ചത്. ജോലി ലഭിച്ച് അഞ്ചാം ദിവസം തൂങ്ങിമരിക്കുകയായിരുന്നു. അച്ഛന്റെ കൂടെയായിരുന്നു ശരണ്കുമാര് താമസിച്ചിരുന്നത്. രാവിലെ ഭക്ഷണം ഉണ്ടാക്കിക്കൊടുത്ത ശേഷം അച്ഛന് തൊട്ടടുത്ത മസറയില് ജോലിക്ക് പോയ സമയത്താണ് സംഭവം. അച്ഛന് ഉച്ചക്ക് മുറിയില് തിരിച്ചെത്തിയപ്പോഴാണ് മരിച്ച നിലയില് കണ്ടെത്തിയത്. തുടര്ന്ന് പോലീസിനെ വിവരം അറിയിച്ചു. മൃതദേഹം ബിഷ കിങ് അബ്ദുള്ള ഹോസ്പിറ്റലിലേക്ക് മാറ്റി.
