ഇടുക്കി: വാക്കുതര്ക്കത്തെ തുടര്ന്നു സുഹൃത്ത് തള്ളി വീഴ്ത്തിയ യുവാവ് മരിച്ചു. ചികിത്സയിലിരിക്കെയാണ് യുവാവിന്റെ മരണം. മറയൂര് കോവില്ക്കടവ് സ്വദേശി ചന്ദ്രബോസ് (42) ആണു മരിച്ചത്. കഴിഞ്ഞ പതിനഞ്ചാം തീയതിയാണ് സംഭവം നടന്നത്. മദ്യലഹരിയില് ചന്ദ്രബോസും സുഹൃത്ത് റിയാസും തമ്മില് വാക്കുതര്ക്കത്തിലേര്പ്പെടുകയും ഇതിനിടെ റിയാസ് ചന്ദ്രബോസിനെ തള്ളി വീഴ്ത്തുകയായിരുന്നു. മരക്കുറ്റിയുടെ മുകളിലേക്കാണ് ചന്ദ്രബോസ് തെറിച്ച് വീണത്. വീഴ്ചയുടെ ആഘാതത്തില് മരക്കുറ്റി കുത്തിക്കയറി ചന്ദ്ര ബോസിന് പരിക്കേറ്റു
സംഭവത്തില് സുഹൃത്ത് കൊല്ലം അഞ്ചല് സ്വദേശി എആര് മന്സിലില് റിയാസ് ഇബ്രാഹിംകുട്ടിയെ (39) പോലീസ് അറസ്റ്റ് ചെയ്തിരുന്നു. ഗുരുതരമായി പരിക്കേറ്റ ചന്ദ്രബോസിനെ ആദ്യം രാജകുമാരിയിലെ സ്വകാര്യ ആശുപത്രിയില് പ്രവേശിച്ചു. പിന്നീട് ആരോഗ്യ നില വഷളായതിനെ തുടര്ന്ന് കോട്ടയം മെഡിക്കല് കോളേജിലേക്ക് മാറ്റി. ചികിത്സയിലായിരുന്ന ചന്ദ്രബോസ് കഴിഞ്ഞ ദിവസം വൈകിട്ടോടെ മരണപ്പെടുകയായിരുന്നു.
