തിരുവനന്തപുരം: കസ്റ്റഡിയിലിരിക്കെ പോലീസ് ജീപ്പില് നിന്ന് ചാടിയ ആള് മരിച്ചു. തിരുവനന്തപുരം പാപ്പനംകോട് പൂഴിക്കുന്ന് സ്വദേശി സനോഫറാണ് മരിച്ചത്. കുടുംബകലഹത്തിനു തുടര്ന്ന് പോലീസ് കസ്റ്റഡിയിലെടുക്കുകയായിരുന്നു. പൂന്തുറ പോലീസ് വിട്ടയച്ചെങ്കിലും ഭാര്യവീട്ടുകാര് ഏറ്റെടുക്കാന് തയ്യാറായില്ല. പോലീസ് കസ്റ്റഡിയില് സൂക്ഷിക്കുന്നതിന് വൈദ്യപരിശോധനയ്ക്ക് കൊണ്ടു പോകുന്നതിനിടെയാണ് ജീപ്പില് നിന്ന് ചാടിയത്. നാല് ദിവസമായി ഗുരുതരാവസ്ഥയില് ചികിത്സയിലായിരുന്നു. പൂന്തുറ പോലീസ് മേല് നടപടികള് സ്വീകരിച്ചു. മൃതദേഹം പോസ്റ്റുമോര്ട്ടത്തിന് ശേഷം ബന്ധുക്കള്ക്ക് വിട്ടുകൊടുക്കും.
