കീഴ്പള്ളി : വാട്ടര് ടാങ്കിന് മുകളില് നിന്നു വീണ് ഗൃഹനാഥന് മരിച്ചു. കുണ്ടുമാങ്ങോട്ടെ അറയ്ക്കല് മാത്യുവിന്റെ മകന് കുര്യന് (51) ആണ് മരിച്ചത്. വീടിനോടു ചേര്ന്ന വിറകുപുരയുടെ മുകളില് കയറി ടാങ്കില് വെള്ളമുണ്ടോയെന്നു നോക്കുന്നതിനിടെയാണ് അപകടം. വിറകുപുരയുടെ ഷീറ്റില് കാല് തെന്നി താഴെ വീഴുകയായിരുന്നു. ഉടന് ഇരിട്ടി ആശുപത്രിയില് എത്തിച്ചെങ്കിലും മരിക്കുകയായിരുന്നു. കണ്ണൂര് ഗവ.മെഡിക്കല് കോളജ് ആശുപത്രിയില് സൂക്ഷിച്ചിരിക്കുന്ന മൃതദേഹം ഇന്നു രാവിലെ പോസ്റ്റ്മോര്ട്ടത്തിനുശേഷം ഉച്ചകഴിഞ്ഞ് മാങ്ങോട് സെന്റ് മേരീസ് ദേവാലയത്തില് സംസ്കരിക്കും. ഖത്തറില് ജോലി ചെയ്തിരുന്ന കുര്യന് രണ്ടാഴ്ച മുമ്പാണ് അവധിക്ക് നാട്ടിലെത്തിയത്. ജനുവരി ഒന്നിന് തിരിച്ചുപോകാനിരിക്കെയാണ് അപകടം. അമ്മ – പരേതയായ ത്രേസ്യാമ്മ. ഭാര്യ – ലിസി. മക്കള് : ജോബി, ജോമോള്, അനാലിയ.
