അടൂര് : മാതാവിനൊപ്പം ബസില് കയറാന് ശ്രമിക്കുന്നതിനിടെ വിദ്യാര്ത്ഥിനിയെ കടന്നു പിടിച്ച 70 കാരന് അറസ്റ്റില്. തോലുഴം കുടമുക്ക് മാമ്മൂട് ചരുവിളയില് ശ്രീജിത്ത് ഭവനില് കൃഷ്ണന്കുട്ടിയാണ് അറസ്റ്റിലായത്. കഴിഞ്ഞ വെള്ളിയാഴ്ചയാണ് സംഭവം. കെ.എസ്.ആര്.ടി.സി കോര്ണറിലെ ബസ്ബേയില് നിന്നും മാതാവിനൊപ്പം ബസില് കയറാന് ശ്രമിക്കുന്നതിനിടെ അതേ ബസില് നിന്നിറങ്ങിയ വൃദ്ധന് വിദ്യാര്ത്ഥിനിയെ കടന്നു പിടിക്കുകയായിരുന്നു. ഇതോടെ കുട്ടിയുടെ മാതാവ് ബസ് ജീവനക്കാരോട് ഇക്കാര്യം പറയുകയും അടൂര് സ്റ്റേഷനില് എത്തി പരാതി നല്കുകയും ചെയ്തു.
തുടര്ന്ന് എസ്.ഐ മനീഷിന്റെ നേതൃത്വത്തില് നടത്തിയ അന്വേഷണമാണ് പ്രതിയെ കുടുക്കിയത്. പോലീസ് സ്ഥലത്തെ സി.സി.ടി.വി ദൃശ്യങ്ങള് പരിശോധിച്ചും, പത്തോളം ബസുകള് കേന്ദ്രീകരിച്ച് നടത്തിയ അന്വേഷണത്തി നൊടുവില് തോലുഴം ഭാഗത്ത് നിന്നും പ്രതിയെ സംബന്ധിച്ച സൂചന ലഭിക്കുകയും ഇയാളെ വീട്ടിലെത്തി പോലീസ് അറസ്റ്റ് ചെയ്യുകയുമായിരുന്നു.
