ഇടുക്കി : സൂര്യനെല്ലി തിരുവള്ളുവര് കോളനിയില് കാട്ടാനയുടെ ആക്രമണത്തില് ഒരാള് മരിച്ചു. സൂര്യനെല്ലി സിങ്കുകണ്ടം കൃപാ ഭവനില് ബാബു (60 ) ആണ് മരിച്ചത്. ബുധനാഴ്ച പുലര്ച്ചെ 6 മണിയോടെയാണ് സംഭവം. ബാബുവിന്റെ വീടിന് സമീപത്തുകൂടെ കാട്ടാന കൂട്ടം കടന്ന് പോയിരുന്നു. പിന്നാലെ വീട്ടില് നിന്നും ഇറങ്ങിയ ബാബു അയല്വാസികളെ വിവരമറിയിക്കാനായി പോകുന്നതിനിടെ തിരികെ എത്തിയ കാട്ടാനക്കൂട്ടത്തിന്റെ മുന്പില് അകപ്പെടുകയും ബാബുവിനെ കാട്ടാനകള് ചവിട്ടി കൊല്ലുകയുമായിരുന്നു. ഇതിന് ശേഷം ചിന്നം വിളിച്ച് കാട്ടാനകള് മൃതദേഹത്തിനടുത്ത് നിലയുറപ്പിച്ചു. ശാന്തന് പാറ പോലീസും നാട്ടുകാരും ചേര്ന്ന് അനകളെ തുരുത്തിയോടിക്കുകയായിരുന്നു. പിന്നീട് ശാന്തന്പാറ പോലീസ് മേല് നടപടി സ്വീകരിച്ച് മൃതദേഹം അടിമാലി താലൂക്കാശുപത്രിയിലേക്ക് മാറ്റി.
