മലപ്പുറം : കോഴിക്കോട് വിമാനത്താവളത്തിലെത്തിയ യാത്രക്കാരനെ തട്ടിക്കൊണ്ട് പോയെന്ന് പരാതി. ഇന്ന് രാവിലെ ദുബൈയില് നിന്നും കോഴിക്കോട് കരിപ്പൂര് വിമാനത്താവളത്തിലെത്തിയ യാത്രക്കാരനെയാണ് തട്ടി കൊണ്ട് പോയതായി സംശയിക്കുന്നത് . കോഴിക്കോട് സ്വദേശിയായ ആള് ടാക്സി കാറില് മടങ്ങുമ്പോള് കാറിലെത്തിയ ഒരു സംഘം തടഞ്ഞു നിര്ത്തി കാറില് കയറ്റി കൊണ്ടുപോകുകയായിരുന്നു.
എന്നാല് ഇയാളുടെ ബാഗും മറ്റും ടാക്സിയില് ഉണ്ടായിരുന്നു. തുടര്ന്ന് ഡ്രൈവര് ബാഗ് എയര്പോര്ട്ടില് ഏല്പ്പിക്കുകയും പോലീസിനോട് സംഭവങ്ങള് പറയുകയും ചെയ്തു . തുടര്ന്ന് കരിപ്പൂര് പോലീസ് ഇയാളുടെ മൊഴി രേഖപ്പെടുത്തി. സംഭവത്തില് കേസെടുത്തു അന്വേഷണം ആരംഭിച്ചു . കരിപ്പൂര് വിമാനത്താവളത്തില് നിന്നും പ്രീപെയ്ഡ് ടാക്സിയിലാണ് ഇയാള് കോഴിക്കോട്ടേക്ക് തിരിച്ചത്.
