താനെ: കാമുകനൊപ്പമുള്ള യുവതിയുടെ നഗ്നവീഡിയോ സമൂഹമാധ്യമങ്ങളില് വൈറലായതിന് പിന്നാലെ ഭാര്യയെ കൊലപ്പെടുത്തി 50കാരന്. മഹാരാഷ്ട്രയിലെ താനെയിലാണ് സംഭവം. പ്രതിയായ റഫീക്ക് മുഹമ്മദ് യൂനസ് പോലീസ് സ്റ്റേഷനിലെത്തി കീഴടങ്ങി.
സംഭവത്തെ കുറിച്ച് പോലീസ് പറയുന്നത് ഇങ്ങനെ: യൂനസും ഭാര്യയും മൂന്ന് മക്കളും ഭീവാണ്ടിയിലെ അനസ് നഗറിലായിരുന്നു താമസിച്ചിരുന്നത്. ലോക്ക്ഡൗണിനെ തുടര്ന്ന് യൂനസിന് ജോലി നഷ്ടമായി. ഇതോടെ ഭാര്യയും മക്കളും അവളുടെ സഹോദരിയുടെ വീട്ടിലേക്ക് താമസം മാറിയിരുന്നു.
അതിനിടെ യൂനസിന്റെ ഭാര്യയും കാമുകനും ഒപ്പമുള്ള നഗ്നവീഡിയോ സമൂഹമാധ്യമങ്ങളില് വ്യാപകമായി പ്രചരിച്ചു. ഈ വീഡിയോ യൂനസും കാണാന് ഇടയായി. ഇതില് യൂനസ് പ്രകോപിതനായിരുന്നു. തുടര്ന്ന് സഹോദരിയുടെ വീട്ടിലെത്തി യൂനസ് ഭാര്യയെ മൂര്ച്ചയുള്ള കത്തി ഉപയോഗിച്ച് കൊലപ്പെടുത്തകയായിരുന്നു. കൊലയ്ക്ക് പിന്നാലെ പോലീസ് സ്റ്റേഷനിലെത്തി കീഴടങ്ങുകയും ചെയ്തു.
