വാഷിങ്ടണ്‍: യുഎസിലെ ലൂസിയാന സംസ്ഥാനത്തില്‍ ഇന്ത്യന്‍ വംശജയായ അഞ്ചു വയസുകാരിയുടെ മരണത്തില്‍ അമേരിക്കയില്‍ യുവാവിന് 100 വര്‍ഷം തടവുശിക്ഷ. 35 കാരനായ ജോസഫ് ലീ സ്മിത്തിനെയാണ് 100 വര്‍ഷത്തേക്ക് ശിക്ഷിച്ചത്. 2021ലാണ് സംഭവം. മിയ പട്ടേല്‍ എന്ന പെണ്‍കുട്ടി വെടിയേറ്റ് കൊല്ലപ്പെടുകയായിരുന്നു. ഒരു ഹോട്ടല്‍ മുറിയില്‍ കളിച്ചു കൊണ്ടിരിക്കുകയായിരുന്ന മിയാ പട്ടേലിന്റെ തലയിലേക്ക് വെടിയുണ്ട തുളച്ചു കയറുകയായിരുന്നു. പെണ്‍കുട്ടിയെ ഉടന്‍ തന്നെ അടുത്തുള്ള ആശുപത്രിയില്‍ എത്തിച്ചുവെങ്കിലും മൂന്ന് ദിവസത്തിന് ശേഷം പെണ്‍കുട്ടി മരിക്കുകയായിരുന്നു.
സ്മിത്തും മറ്റൊരാളും തമ്മില്‍ തര്‍ക്കമുണ്ടാവുകയും സ്മിത്ത് തോക്കുകൊണ്ട് അടിക്കുകയും ചെയ്തു. എന്നാല്‍ തോക്കില്‍ നിന്നും ബുള്ളറ്റ് അടുത്തമുറിയില്‍ കളിച്ചുകൊണ്ടിരുന്ന പെണ്‍കുട്ടിയുടെ തലക്കേല്‍ക്കുകയായിരുന്നു. 60 വര്‍ഷത്തേക്ക് സ്മിത്തിന് തടവുശിക്ഷ ജില്ലാ ജഡ്ജി ജോണ്‍ ഡി മോസ്ലി വിധിക്കുകയായിരുന്നു. കൂടാതെ 40 വര്‍ഷം കൂടി അധിക ശിക്ഷ അനുഭവിക്കണമെന്നും വിധിയില്‍ പറയുന്നു.
