കാഞ്ഞിരപ്പള്ളി : തേങ്ങയിടാന് കയറിയ ആള് തെങ്ങിന് മുകളില്വെച്ച് അബോധാവസ്ഥയിലായി. ചോറ്റി ചിലമ്പിക്കുന്നേല് ജോയിയുടെ പുരയിടത്തിലെ തേങ്ങയിടുന്നതിനിടെയാണ് തെങ്ങുകയറ്റ തൊഴിലാളിയായ പാറത്തോട് പള്ളിപ്പടി പാറന്തോട്ട് ജോര്ജ് (60) അബോധാവസ്ഥയിലായത്. ബുധനാഴ്ച രാവിലെ 11.45 ഓടെയാണ് സംഭവം. തെങ്ങിന് മുകളിലെത്തിയ ജോര്ജിന് അസ്വസ്ഥത അനുഭവപ്പെട്ടതോടെ കൈയിലുള്ള കയര് ഉപയോഗിച്ച് തന്റെ ശരീരത്തെ തെങ്ങുമായി ബന്ധിപ്പിച്ചു.
ബോധം നഷ്ടപ്പെട്ടതോടെ അരയും തെങ്ങുമായി ബന്ധിച്ചിരുന്ന കയറില് കുടുങ്ങിക്കിടന്നു. തുടര്ന്ന് കാഞ്ഞിരപ്പള്ളിയില്നിന്ന് ഫയര്ഫോഴ്സ് എത്തി തെങ്ങിന് മുകളില് കയറി സാഹസികമായി രക്ഷപെടുത്തുകയായിരുന്നു. ഫയര്ഫോഴ്സ് ഉദ്യോഗസ്ഥരായ അസി. സ്റ്റേഷന് ഓഫീസര് ബിനു സെബാസ്റ്റ്യന്റെ നേതൃത്വത്തില് ഹരി, സുകുമാരന്, ഷാരോണ് എന്നിവര് ചേര്ന്നാണ് ജോര്ജിനെ തെങ്ങിന് മുകളില്നിന്ന് രക്ഷപെടുത്തിയത്.
