മല്ലപ്പള്ളി : ബന്ധു വീട്ടിലെത്തിയ വിദ്യാര്ത്ഥികള് മണിമലയാറ്റില് മുങ്ങി മരിച്ചു. തമിഴ്നാട് തിരുനല്വേലി സ്വദേശികളായ കാര്ത്തിക് (16), പനവടലി സത്രത്തില് ശബരി (15) എന്നിവരാണ് ഇന്ന് വൈകീട്ട് മല്ലപ്പളളിയില് മണിമലയാറ്റിലെ വടക്കന് കടവില് മുങ്ങി മരിച്ചത്. സ്കൂള് അവധി ആയതിനാല് ഇരുവരും മല്ലപ്പള്ളിയിലെ ബന്ധുവീട്ടില് വന്നതാണ്. വടക്കന് കടവിലെ കയത്തിലാണ് ഒഴുക്കില്പ്പെട്ടത്. ഇവരുടെ കുടുംബം തൃശൂര് കൊടകരയില് താമസിക്കുകയാണ്. ഫയര്ഫോഴ്സ് ഉദ്യോഗസ്ഥരും പോലീസും സ്ഥലത്തെത്തി മൃതദേഹം ആശുപത്രിയിലേയ്ക്കു മാറ്റി.
