കോന്നി: രാജ്യത്തെ ജനങ്ങള്ക്ക് സുരക്ഷിതത്വം നല്കേണ്ടുന്ന പ്രധാനമന്ത്രി നരേന്ദ്രമോദി മണിപ്പൂര് കത്തിയെരിയുമ്പോള് മൗനം പാലിക്കുകയാണെന്ന് കേരള കോണ്ഗ്രസ് (എം) പത്തനംതിട്ട ജില്ലാ ജനറല് സെക്രട്ടറി എബ്രഹാം വാഴയില് പറഞ്ഞു. പ്രധാനമന്ത്രിയുടെ മൗനം മണിപ്പൂര് കലാപകാരികള്ക്ക് കൂടുതല് ശക്തി നല്കുകയാണെന്നും അദ്ദേഹം പറഞ്ഞു. മണിപ്പൂരില് സമാധാനം സ്ഥാപിക്കുന്നതില് പരാജയപ്പെട്ട കേന്ദ്ര സര്ക്കാരിനെതിരെ കേരള കോണ്ഗ്രസ് (എം) കോന്നിയില് നടത്തിയ പ്രതിഷേധ ജ്വാല ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ജോസ് പി സി അധ്യക്ഷത വഹിച്ചു. റഷീദ് മുളന്തറ, രാജീസ് കൊട്ടാരം, സുമ റജി, ബിജുമോന് കെ, ജെ. ജോണ്സണ് മൈലപ്ര, ജെയിംസ് തോമസ്, സണ്ണി ജോര്ജ്, ഷിബു കോയിക്കലെത്ത്, സംകുട്ടി പി എസ്, അനിയന് പത്തിയത്ത്, സണ്ണി ജോര്ജ്, ജിന്സണ് സ്കറിയ, എം വി വര്ഗീസ്, ബിജുകുമാര് എം സി തുടങ്ങിയവര് സംസാരിച്ചു.
