ഇംഫാല്: മണിപ്പൂര് കലാപത്തിന് പിന്നാലെ ചീഫ് സെക്രട്ടറിയെ മാറ്റി. രാജേഷ് കുമാറിന് പകരം വിനീത് ജോഷി പപുതിയ ചുമതല. മണിപ്പൂരിലെ ആഭ്യന്തര കലാപ സാഹചര്യത്തിലാണ് നിയമനം. കേന്ദ്ര വിദ്യാഭ്യാസ വകുപ്പില് അഡീഷണല് സെക്രട്ടറിയായിരിക്കേയാണ് വിനീത് ജോഷിയെ സംസ്ഥാനത്തെ ചീഫ് സെക്രട്ടറിയാക്കിയത്. അതേസമയം ആക്രമണങ്ങള്ക്കിടയില് മണിപ്പൂരില് കുടുങ്ങിക്കിടക്കുന്നവരെ രക്ഷപെടുത്താന് എയര് ഇന്ത്യ പ്രത്യേക ഡല്ഹി-ഇംഫാല്-ഡല്ഹി വിമാനം സര്വീസ് ആരംഭിച്ചിട്ടുണ്ട്.
സംഘര്ഷാവസ്ഥ നിലനില്ക്കുന്ന പ്രദേശങ്ങളില് നിന്നും 23,000 പേരെ ഒഴിപ്പിച്ചു. അസം റൈഫിള്സും സൈന്യവും ചേര്ന്നാണ് ഇവരെ സൈനിക ക്യാമ്പുകളിലേക്കും മറ്റ് സുരക്ഷിത കേന്ദ്രങ്ങളിലേക്കും മാറ്റിപ്പാര്പ്പിച്ചത്. അസം റൈഫിള്സിന്റെയും സൈന്യത്തിന്റെയും 120-ല് അധികം യൂണിറ്റുകളെയാണ് വിവിധ ഭാഗങ്ങളില് രക്ഷാപ്രവര്ത്തനത്തിനായി നിയോഗിച്ചിരിക്കുന്നത്. കഴിഞ്ഞ 24 മണിക്കൂറായി സൈന്യത്തിന്റെ ശക്തമായ നിരീക്ഷണത്തിലാണ് പ്രദേശം.
