ഇംഫാല്: ഇംഫാലില് ദിവസങ്ങള് നീണ്ട സമാധാനാന്തരീക്ഷത്തിന് ശേഷം വീണ്ടും സംഘര്ഷം. ഇംഫാലിലെ ന്യൂ ചെക്കോണ് ചന്തയിലാണ് സംഘര്ഷം ഉണ്ടായത്. സൈന്യം സ്ഥലത്തെത്തിയിട്ടുണ്ട്. സംഘര്ഷത്തെ തുടര്ന്ന് ഇംഫാലില് കര്ഫ്യൂ പ്രഖ്യാപിച്ചു. ഇംഫാലില് ന്യൂ ലംബുലാനെയില് ഉപേക്ഷിക്കപ്പെട്ട വീടുകള്ക്ക് ചിലര് തീയിട്ടു. സൈന്യം തീയണക്കാന് ശ്രമിക്കുകയാണ്. മെയ്തെയ് വിഭാഗത്തിന്റെ പട്ടിക വര്ഗ പദവിയുമായി ബന്ധപ്പെട്ട തര്ക്കമാണ് മണിപ്പൂരില് കലാപത്തില് കലാശിച്ചത്.
സംസ്ഥാന തലസ്ഥാനമായ ഇംഫാലിലെ ന്യൂ ചെക്കോണ് പ്രദേശത്തെ മെയ്തേയ്, കുക്കി സമുദായങ്ങളിലെ ഒരു വിഭാഗം ഏറ്റുമുട്ടിയതായി പോലീസ് വൃത്തങ്ങള് അറിയിച്ചു. പ്രാദേശിക മാര്ക്കറ്റിലെ സ്ഥലത്തെച്ചൊല്ലിയാണ് സംഘര്ഷം ആരംഭിച്ചത്. ഗോത്ര വിഭാഗങ്ങളും ഗ്രോത വിഭാഗങ്ങളല്ലാത്തവരും തമ്മിലുള്ള സംഘര്ഷമാണ് മണിപ്പൂരില് നടക്കുന്നത്.
