മലപ്പുറം: മഞ്ചേരി മെഡിക്കല് കോളേജ് ആശുപത്രിയില് കൊവിഡ് നിരീക്ഷണത്തിലിരിക്കെ മരിച്ചയാള്ക്ക് വൈറസ് ബാധിയില്ല. വാളാഞ്ചേരി സ്വദേശി അബ്ദുള് മജീദ്(57 ) ഇന്ന് ഉച്ചയ്ക്കാണ് മരിച്ചത്. ഇദ്ദേഹത്തിന് കൊവിഡ് ഇല്ലെന്നുള്ള സ്രവ പരിശോധന ഫലം ലഭിച്ചു.
ന്യൂമോണിയയെ തുടര്ന്ന് ഇന്നലെയാണ് അബ്ദുള് മജീദിനെ മഞ്ചേരി മെഡിക്കല് കോളജില് പ്രവേശിപ്പിച്ചത്. ശ്വാസകോശ സംബന്ധമായ പ്രശ്നങ്ങളുള്ള അബ്ദുള് മജീദ് നേരത്തെ വളാഞ്ചേരിയിലെ സ്വകാര്യ ആശുപത്രിയില് ചികിത്സയിലായിരുന്നു. രോഗം മൂര്ച്ഛിച്ചതിനെ തുടര്ന്നാണ് ഇയാളെ മെഡിക്കല് കോളജിലേക്ക് മാറ്റിയത്. തുടര്ന്ന് ഇന്ന് ഉച്ചയോടെ മരണം സംഭവിക്കുകയായിരുന്നു. കൊവിഡ് നിരീക്ഷണത്തിലായതിനാല് സ്രവം പരിശോധനയ്ക്ക് അയക്കുകയായിരുന്നു. ഇയാള്ക്ക് മറ്റ് കൊവിഡ് ലക്ഷണങ്ങളില്ലെന്ന് ആശുപത്രി അധികൃതര് നേരത്തെ അറിയിച്ചിരുന്നു.
