ഇടുക്കി : മാങ്കുളം ജലവൈദ്യുത പദ്ധതിയുടെ (40 മെഗാവാട്ട് ) നിര്മ്മാണ ഉദ്ഘാടനവും വ്യാപാരസമുച്ചയത്തിന്റെ ഉദ്ഘാടനവും ഏപ്രില് 01 ന് വൈകീട്ട് നാല് മണിയ്ക്ക് മുഖ്യമന്ത്രിപിണറായി വിജയന് ഓണ്ലൈനായി നിര്വഹിക്കും.
വ്യാപാര സമുച്ചയത്തിന്റെ പരിസരത്ത് നടക്കുന്ന ഉദ്ഘാടന യോഗത്തില് വൈദ്യുതി വകുപ്പ് മന്ത്രി കെ.കൃഷ്ണന്കുട്ടി അദ്ധ്യക്ഷത വഹിക്കും. ജലവിഭവ വകുപ്പ് മന്ത്രിറോഷി അഗസ്റ്റിന്, അഡ്വ. ഡീന് കുര്യാക്കോസ് എം.പി അഡ്വ. എ. രാജ എം.എല്.എ, മുന് വൈദ്യുതി വകുപ്പ് മന്ത്രി എം.എം. മണി എം.എല്.എ എന്നിവര് മുഖ്യാതിഥികളായിരിക്കും.
ഇടുക്കി ജില്ലയില് ദേവികുളം താലൂക്കില് മാങ്കുളം, അടിമാലി ഗ്രാമപഞ്ചായത്തുകളിലായി മേലാച്ചേരി പുഴയിലാണ് മാങ്കുളം ജലവൈദ്യുതപദ്ധതിയുടെ നിര്മ്മാണം നടത്തുന്നത്. 40 മെഗാവാട്ട് സ്ഥാപിത ശേഷിയും 102 ദശലക്ഷം യൂണിറ്റ് വാര്ഷിക ഉത്പാദനശേഷിയുമുള്ള നിലയമാണ് ആദ്യഘട്ടത്തില് നിര്മ്മിക്കുന്നത്. രണ്ടാം ഘട്ടത്തില് സ്ഥാപിതശേഷി 80 മെഗാവാട്ടായി ഉയര്ത്തുന്നതിനുള്ള പ്രവര്ത്തനങ്ങള് നടന്നുകൊണ്ടിരിക്കുന്നു.