തൃശൂര് : മതത്തിന്റെ പേരില് നൃത്തപരിപാടിക്ക് വിലക്ക് നേരിട്ട മന്സിയ ഡിവൈഎഫ്ഐ വേദിയില് തിങ്കളാഴ്ച നൃത്തം അവതരിപ്പിക്കും. ‘പാടുന്നോര് പാടട്ടെ, ആടുന്നോര് ആടട്ടെ, കലയ്ക്ക് മതമില്ല’ എന്ന പേരില് ഇരിങ്ങാലക്കുട ടൗണ് ഹാള് മുറ്റത്ത് വൈകീട്ട് നാലിനാണ് പരിപാടി. സാംസ്കാരിക സദസ്സും സംഘടിപ്പിക്കും.
സാംസ്കാരിക സദസ്സില് മന്ത്രി ഡോ. ആര് ബിന്ദു, കേരള സാഹിത്യ അക്കാദമി പ്രസിഡന്റ് പ്രൊഫ. കെ സച്ചിദാനന്ദന്, വൈസ് പ്രസിഡന്റ് അശോകന് ചരുവില്, ലളിതകലാ അക്കാദമി ചെയര്മാന് ബാലമുരളീ കൃഷ്ണന്, കവി പി എന് ഗോപീകൃഷ്ണന്, ഡിവൈഎഫ്ഐ സംസ്ഥാന സെക്രട്ടറി വി കെ സനോജ്, പ്രസിഡന്റ് എസ് സതീഷ് എന്നിവര് പങ്കെടുക്കും.
