തിരുവനന്തപുരം: ഇടയ്ക്കിടെ ഉണ്ടാവുന്ന മാവോയിസ്റ്റ് പോലീസ് ഏറ്റുമുട്ടലില് സര്ക്കാരിനെതിരെ വിമര്ശനവുമായി സി.പി.ഐ. മാവോയിസ്റ്റുകളെ ഇടയ്ക്കിടയ്ക്ക് വെടിവെച്ചു കൊല്ലുന്നത് നല്ലതല്ലെന്ന് സി.പി.ഐ സംസ്ഥാന സെക്രട്ടറി കാനം രാജേന്ദ്രന് പറഞ്ഞു.
കേരളത്തില് നിലവില് യാതൊരു മാവോയിസ്റ്റ് ഭീഷണിയും ഇല്ലെന്നിരിക്കെ, ഇത്തരത്തില് എന്കൗണ്ടര് നടത്തേണ്ടത് പോലീസിന്റെ മാത്രം ആവശ്യമാണെന്നും കാനം രാജേന്ദ്രന് വ്യക്തമാക്കി. സര്ക്കാരിന്റെ ഈ നടപടി കേന്ദ്രഫണ്ട് നേടാന് ആണെന്ന് കുറ്റപ്പെടുത്തിയ കാനം രാജേന്ദ്രന് മാവോയിസ്റ്റ് ഏറ്റുമുട്ടല് നിന്നും തണ്ടര്ബോള്ട്ട് കമാന്ഡോ സേന പിന്മാറണമെന്നും ആവശ്യപ്പെട്ടു.
മാവോയിസ്റ്റ് പോലീസ് ഏറ്റുമുട്ടലുകളുടെ മജിസ്റ്റീരിയല് റിപ്പോര്ട്ടുകള് പുറത്തു വരുന്നില്ലെന്ന് ചൂണ്ടിക്കാട്ടിയ രാജേന്ദ്രന്, റിപ്പോര്ട്ട് പോലീസിനെതിരെയാണെങ്കില് പുറത്തു വരാത്ത സ്ഥിതിയാണ് കേരളത്തിലുള്ളത് എന്നും വിമര്ശിച്ചു.
