നിലമ്പൂര് : നാടുകാണി ചുരത്തില് സിമന്റ് ലോറിക്ക് തീപിടിച്ചു. ഡ്രൈവര് അത്ഭുതകരമായി രക്ഷപ്പെട്ടു. ചുരം പാതയിലെ ഒന്നാം വളവില് വെച്ച് ആന്ധ്രയിലെ നെല്ലാരിയില് നിന്ന് കൊണ്ടോട്ടിയിലേക്ക് സിമന്റ് കൊണ്ടുവരികയായിരുന്ന ലോറിക്കാണ് തീപിടിച്ചത്.
ഒന്നാം വളവ് തിരിഞ്ഞപ്പോള് ടയര് പൊട്ടുകയും പൊട്ടിയ ടയര് മാറ്റാന് ലോറി നിര്ത്തുന്നതിനിടെ ഡീസല് ടാങ്കിന്റെ ഭാഗത്ത് നിന്ന് തീ കത്തി പടരുകയുമായിരുന്നു. എക്സൈസ് ഉദ്യേഗസ്ഥര് തീ അണക്കാന് ശ്രമം നടത്തിയെങ്കിലും പരാജയപ്പെട്ടു. നിലമ്പൂര് ഫയര്ഫോഴ്സ് എത്തിയാണ് തീ അണച്ചത്. രണ്ട് മാസം മുമ്പ് ഒന്നാം വളവില് നിന്ന് 100 മീറ്റര് അകലെ പഞ്ചസാര ലോഡ് കത്തിനശിച്ചിരുന്നു.
