റാന്നി : അടിക്കടി ഉണ്ടാകുന്ന മഴയിൽ പഴവങ്ങാടി പഞ്ചായത്ത് ബസ് സ്റ്റാൻഡിലെ വ്യാപാരസ്ഥാപനങ്ങളിൽ വെള്ളം കയറി വ്യാപാരികൾക്ക് വലിയ നാശനഷ്ടം ഉണ്ടാക്കുകയാണ്. പഴയങ്ങാടി ബസ്സ്റ്റാൻഡിലെ ഇരുവശങ്ങളിലും ഓടകൾ ആഴംകൂട്ടി വൃത്തിയാക്കുന്നതിന് ഒരു പരിഹാരം കാണണമെന്ന് സമരത്തിലൂടെ വ്യാപാരികൾ ആവശ്യപ്പെട്ടു.
സമരം റാന്നിയുടെ മുൻ എം.എൽ.എ രാജു എബ്രഹാം ഉദ്ഘാടനം ചെയ്തു. വ്യാപാരി വ്യവസായി റാന്നി ഏരിയ പ്രസിഡന്റ് പി.ഇ സലാഹുദ്ദീൻ അധ്യക്ഷത വഹിച്ചു. ഏരിയ സെക്രട്ടറി മനു മക്കപ്പുഴ, കെ.കെ സുരേന്ദ്രന്, ഷിബിൻ ലാൽ, അനു ടി സാമൂൽ, എം.എം ഹുസൈൻ, ശംഭു കൊലശ്ശേരി, മൾട്ടി ഷിബു, ഹാപ്പി പ്ലാച്ചേരി എന്നിവർ പ്രസംഗിച്ചു.