23.2 C
Pathanāmthitta
Tuesday, November 30, 2021 2:04 am
Advertisment

ദേശീയപാത സ്ഥലമെടുപ്പ് : രോഷവുമായി എല്‍എഎന്‍എച്ച് ഓഫീസിലേക്ക് ഉജ്ജ്വല മാര്‍ച്ച്

വടകര : ദേശീയപാതാവികസനത്തിന്റെ ഭാഗമായി ഒഴിപ്പിക്കപ്പെടുന്ന വ്യാപാരികൾക്കുള്ള നഷ്ടപരിഹാരവും വീട് നഷ്ടപ്പെടുന്നവരുടെ പുനരധിവാസവും ഉറപ്പാക്കണമെന്നാവശ്യപ്പെട്ട് ദേശീയപാതാ സ്ഥലമേറ്റെടുപ്പ് (എൽ.എ.എൻ.എച്ച്.) തഹസിൽദാരുടെ ഓഫീസിലേക്ക് നടത്തിയ മാർച്ചിൽ ഇരകളുടെ പ്രതിഷേധമിരമ്പി. വടകര മർച്ചന്റ്‌സ് അസോസിയേഷൻ, ദേശീയപാതാ കർമസമിതി എന്നിവ സംഘടിപ്പിച്ച മാർച്ചിൽ വ്യാപാരികളും വീട് നഷ്ടപ്പെടുന്നവരുമെല്ലാം പങ്കെടുത്തു.

പുതിയ സ്റ്റാൻഡിൽ നിന്നാണ് മാർച്ച് തുടങ്ങിയത്. എൽ.എ. ഓഫീസ് പരിസരത്ത് പോലീസ് മാർച്ച് തടഞ്ഞു. കർമസമിതി ജില്ലാ കൺവീനർ എ.ടി. മഹേഷ് ഉദ്ഘാടനം ചെയ്തു. വ്യാപാരി വ്യവസായി ഏകോപനസമിതി ജില്ലാ വൈസ് പ്രസിഡന്റ് എം. അബ്ദുൾസലാം അധ്യക്ഷനായി. ദേശീയപാതാ കർമസമിതി സംസ്ഥാനസമിതി അംഗം പ്രദീപ് ചോമ്പാല, എ.കെ. ജലീൽ, ഹരീഷ് ജയരാജ്, പി.എ. ഖാദർ, സി.വി. ബാലഗോപാൽ, പി.കെ. രാമചന്ദ്രൻ, എ.ടി.കെ. സാജിദ്, പി. ബാബുരാജ്എന്നിവർ സംസാരിച്ചു.

- Advertisment -
Advertisment
Advertisment
- Advertisment -
- Advertisment -

Most Popular