മാർത്തോമ്മാ സഭയുടെ പുതിയ അധ്യക്ഷനായി ഡോ :ഗീവർഗീസ് മാർ തിയഡോഷ്യസ് സ്ഥാനാരോഹിതനായി

തിരുവല്ല: മലങ്കര മാർത്തോമ സുറിയാനി സഭയുടെ ഇരുപത്തിരണ്ടാമത്തെ മെത്രാപ്പോലീത്തയായി ഡോ. ഗീവർഗീസ് മാർ തിയഡോഷ്യസ് അഭിഷിക്തനായി. ശനിയാഴ്ച സഭാ ആസ്ഥാനമായ തിരുവല്ല എസ്.സി.എസ് വളപ്പിലെ ഡോ. അലക്സാണ്ടർ മാർത്തോമ ഓഡിറ്റോറിയത്തിൽ രാവിലെ എട്ട് മണി മുതൽ ആരംഭിച്ച സ്ഥാനാരോഹണ ചടങ്ങുകൾ പൂർത്തിയായി. തിയഡോഷ്യസ് മാർത്തോമ്മ എന്ന പേരിലാണ് പുതിയ അധ്യക്ഷൻ അറിയപ്പെടുന്നത്. കോവിഡ് ചട്ടങ്ങൾ പാലിച്ചാണ് ചടങ്ങുകൾ സംഘടിപ്പിച്ചത്.