റാന്നി : 50 ലക്ഷത്തിലധികം കുടുംബങ്ങൾ സപ്ലൈകോയെ ആശ്രയിക്കുന്നുണ്ടെന്ന് ഭക്ഷ്യ സിവിൽ സപ്ലൈസ് വകുപ്പ് മന്ത്രി ജി.ആർ അനിൽ പറഞ്ഞു. വെച്ചൂച്ചിറയിൽ പുതുതായി ആരംഭിച്ച മാവേലി സ്റ്റോർ സൂപ്പര്മാര്ക്കറ്റ് ഓണ്ലൈനില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. വിലക്കയറ്റത്തിൽ നിന്നും ജനങ്ങളെ രക്ഷിക്കാൻ സർക്കാർ ഫലപ്രദമായി ഇടപെടുന്നത് സപ്ലൈകോ വഴിയാണ്. അഞ്ചു വര്ഷവും മുടങ്ങാതെ പതിമൂന്നിന സാധനങ്ങള്ക്ക് സബ്സിഡി നല്കി വരുന്നുണ്ട്. ഇതുമൂലം പൂഴ്ത്തിവെപ്പും കരിഞ്ചന്തയും ഇല്ലാതായെന്നും അദ്ദേഹം പറഞ്ഞു.
ചടങ്ങിൽ അഡ്വ.പ്രമോദ് നാരായൺ എം.എൽ.എ അധ്യക്ഷത വഹിച്ചു. പഞ്ചായത്ത് പ്രസിഡന്റ് എസ് രമാദേവി ആദ്യ വില്പന നടത്തി. ബ്ലോക്ക് പഞ്ചായത്ത് അംഗം മേഴ്സി ഫിലിപ്പ്, പഞ്ചായത്ത് മെമ്പർമാരായ ജോൺ മാത്യു, സിറിയക്ക് തോമസ്, മഞ്ചു ബാബു, രാജി വിജയകുമാര്, സപ്ലൈകോ റീജിയണൽ മാനേജർ പി.എസ് പ്രീത, എം.വി പ്രസന്നകുമാര്, സജി കൊട്ടാരം, സജിമോൻ കടയിനിക്കാട്, എന്.ജി പ്രസന്നന്, ആര് നന്ദകുമാര്, ബാബു അന്ത്യാകുളം, രാജുഗോപാൽ, പ്രശാന്ത് മോളിക്കൽ, താലൂക്ക് സപ്ലൈ ഓഫീസര് എം. സുരേഷ് കുമാർ എന്നിവർ പ്രസംഗിച്ചു.
