കൊച്ചി : എംബിബിഎസ് അവസാനവര്ഷ പരീക്ഷ തുടരാന് ഹൈക്കോടതി ഉത്തരവിട്ടു. പഠനം പൂര്ത്തിയായിട്ടില്ലെന്ന കാരണം പറഞ്ഞ് പരീക്ഷ എഴുതാത്ത വിദ്യാര്ത്ഥികള്ക്ക് സെപ്റ്റബറിന് മുന്പ് പരീക്ഷ നടത്താന് കഴിയുമോ എന്ന് ഒരു മാസത്തിനകം തീരുമാനമെടുക്കാന് ബോര്ഡ് ഓഫ് സ്റ്റഡീസിനും കോടതി നിര്ദേശം നല്കി. പരീക്ഷാ നടത്തിപ്പിനെതിരെ രണ്ടായിരത്തി മുന്നൂറോളം വിദ്യാര്ത്ഥികള് സമര്പ്പിച്ച ഹര്ജി പരിഗണിച്ചാണ് ജസ്റ്റീസ് രാജാവിജയ രാഘവന്റെ ഉത്തരവ്.
മെഡിക്കല് കൗണ്സില് ഓഫ് ഇന്ത്യയുടേയും നാഷണല് മെഡിക്കല് കൗണ്സിലിന്റെയും സിലബസ് അനുശാസിക്കുന്ന 792 മണിക്കൂര് ക്ലിനിക്കല് ക്ലാസ്സുകള് പൂര്ത്തികരിക്കാതെയാണ് ആരോഗ്യ സര്വകലാശാല പരീക്ഷ നടത്തുന്നതെന്നും ഇത് തങ്ങളുടെ തുടര്വിദ്യാഭ്യാസത്തേയും പൊതുജന ആരോഗ്യത്തേയും ബാധിക്കുമെന്നും ചൂണ്ടിക്കാട്ടിയാണ് വിദ്യാര്ത്ഥികള് കോടതിയെ സമിപിച്ചത്. അഞ്ച് ആഴ്ചത്തെ പഠനം കൂടി പൂര്ത്തിക്കാനുണ്ടെന്ന് വിദ്യാര്ത്ഥികള് ചൂണ്ടിക്കാട്ടി. ഒരു പരീക്ഷ കഴിഞ്ഞെന്നും അടുത്ത പരീക്ഷ 5 ന് നടക്കുമെന്നും രണ്ടായിരം പേര് പരീക്ഷ എഴുതിയെന്നും സര്വ്വകലാശാല അറിയിച്ചു.
