കോട്ടയം : എം.സി. റോഡില് ഓട്ടോ ഡ്രൈവറുടെ മരണത്തിന് ഇടയാക്കിയ നീലിമംഗലം പാലത്തില് അറ്റകുറ്റപ്പണി തുടങ്ങി. പാലത്തില് ഞായറാഴ്ച രാവിലെയുണ്ടായ അപകടത്തിലാണ് ഓട്ടോ ഡ്രൈവര് കടുത്തുരുത്തി മുട്ടുചിറ ഇലവത്തില് വീട്ടില് രഞ്ജിത്ത് സെബാസ്റ്റ്യന് (28) മരിച്ചത്.
വാഹനങ്ങള് പഴയ പാലത്തിലൂടെ തിരിച്ചുവിട്ടാണ് അറ്റകുറ്റപ്പണി നടത്തുന്നത്. പാലത്തിലേക്ക് വാഹനങ്ങള് കയറുന്ന ഭാഗത്തെ വിടവില് ചാടി നിയന്ത്രണം വിട്ട ഓട്ടോറിക്ഷ കെ.എസ്.ആര്.ടി.സി. ബസിലിടിച്ചായിരുന്നു അപകടം. പാലത്തിലെ വിടവ് അടയ്ക്കുന്ന ജോലികളാണ് ആരംഭിച്ചത്. ഇപ്പോഴുള്ള സ്ട്രിപ് സീല് എടുത്തുമാറ്റി വെല്ഡ് ചെയ്ത് വീണ്ടും പാലത്തില് ഉറപ്പിക്കും.
