കാസര്ഗോഡ്: ബൈക്കില് കടത്തുകയായിരുന്ന എംഡിഎംഎയുമായി രണ്ട് യുവാക്കള് അറസ്റ്റില്. ഉളിയത്തടുക്ക റഹ്മത്ത് നഗര് സ്വദേശി അഹമ്മദ് നിയാസ് (38), പത്തനംതിട്ട കോന്നിയിലെ ഐരാവന് സ്വദേശി ഇജാസ് അസീസ് (25) എന്നിവരാണ് അറസ്റ്റിലായത്. ഇന്നലെ രാത്രി പട്ളക്ക് സമീപം കുതിരപ്പാടിയില് വെച്ചാണ് യുവാക്കളെ പിടികൂടിയത്. ജില്ലാ പോലീസ് മേധാവി വൈഭവ് സക്സേനയുടെ ക്ലീന് കാസര്ഗോഡിന്റെ ഭാഗമായുള്ള പോലീസ് പരിശോധനയില് ആണ് എംഡിഎംഎയുമായി യുവാക്കള് പിടിയിലായത്. കാസര്ഗോഡ് ഡി.വൈ.എസ്.പി വി.വി മനോജ്, സി.ഐ അനൂപ്, എസ്.ഐ കെ.പ്രശാന്ത് എന്നിവരുടെ നേതൃത്വത്തിലായിരുന്നു പരിശോധന. പ്രതികളെ കോടതിയില് ഹാജരാക്കി.
