കൊച്ചി : സംസ്ഥാനത്തെ ആരോഗ്യ മേഖലയില് തുടര്ച്ചയായി ഉയരുന്ന ചികിത്സാ പിഴവ് ആരോപണങ്ങള് അതീവ ഗൗരവകരമാണെന്ന് തൃണമൂല് യൂത്ത് കോണ്ഗ്രസ് സംസ്ഥാന പ്രസിഡന്റ് ജസീലുദ്ദീന് നെട്ടൂക്കുടി പറഞ്ഞു. സര്ക്കാര് ആശുപത്രികളില് സുരക്ഷാ മാനദണ്ഡങ്ങള് കൃത്യമായി പാലിക്കപ്പെടുന്നില്ലെന്നും ഉത്തരവാദിത്തബോധം കുറയുന്ന പ്രവണതയാണ് വര്ധിച്ചുവരുന്നതെന്നും അദ്ദേഹം ആരോപിച്ചു. ആരോഗ്യ മേഖലയില് മനുഷ്യജീവിതവുമായി ബന്ധപ്പെട്ട വിഷയങ്ങളില് ഒരു തരത്തിലുമുള്ള അനാസ്ഥയും അംഗീകരിക്കാനാവില്ല. പരാതികള് വന്നാല് അന്വേഷണ കമ്മീഷന് പ്രഖ്യാപിച്ച് സമയം കളയുന്ന സമീപനം അവസാനിപ്പിക്കണമെന്നും അദ്ദേഹം പറഞ്ഞു.
ആരോഗ്യ വകുപ്പ് മന്ത്രി വീണ ജോര്ജ്ജ് ഉടന് തന്നെ വ്യക്തമായ മറുപടി നല്കണമെന്നും ചികിത്സാ പിഴവുകള് ആവര്ത്തിക്കാതിരിക്കാനുള്ള സ്ഥിരം നിരീക്ഷണ സംവിധാനം ഒരുക്കണമെന്നും അദ്ദേഹം ആവശ്യപ്പെട്ടു. സര്ക്കാര് ആശുപത്രികളില് ജീവനക്കാരുടെ കുറവും അടിസ്ഥാന സൗകര്യങ്ങളുടെ അഭാവവും പരിഹരിക്കാതെ ആരോഗ്യ മേഖലയെ സംരക്ഷിക്കാനാവില്ലെന്ന് അദ്ദേഹം ചൂണ്ടിക്കാട്ടി. കുറ്റക്കാരെ കണ്ടെത്തി കര്ശന നടപടി സ്വീകരിക്കാത്ത പക്ഷം സംസ്ഥാന വ്യാപക പ്രതിഷേധങ്ങള്ക്ക് തൃണമൂല് യൂത്ത് കോണ്ഗ്രസ് നേതൃത്വം നല്കുമെന്നും ജസീലുദ്ദീന് നെട്ടൂക്കുടി മുന്നറിയിപ്പ് നല്കി.
