തിരുവനന്തപുരം : മെഡിക്കല് കോളജില് അവയവമാറ്റം വൈകിയതില് ആരോഗ്യമന്ത്രി അന്വേഷണത്തിന് ഉത്തരവിട്ടു. ആരോഗ്യവകുപ്പ് അഡീഷണല് ചീഫ് സെക്രട്ടറി അന്വേഷിക്കും. വീഴ്ച വരുത്തിയവര്ക്കെതിരെ കര്ശന നടപടിയെന്ന് മന്ത്രി വീണാ ജോര്ജ് വ്യക്തമാക്കി. കൊച്ചിയില് നിന്ന് വൃക്ക എത്തിച്ചിട്ടും ശസ്ത്രക്രിയ നാലുമണിക്കൂര് വൈകിയെന്ന് ആരോപണം. വൃക്ക എത്തിച്ചത് ഇന്നലെ വൈകിട്ട് അഞ്ചരയ്ക്കാണ്. ശസ്ത്രക്രിയ തുടങ്ങിയത് ഒന്പതരയോടെയാണന്നാണ് പരാതി. രോഗിയെ സജ്ജമാക്കുന്നതില് ഡോക്ടര്മാരുടെ ഭാഗത്ത് നിന്നുണ്ടായ അനാസ്ഥയാണ് ഗുരുതര വീഴ്ചയ്ക്ക് കാരണം. പോലീസ് അകമ്പടിയോടെ രണ്ടരമണിക്കൂറിനുള്ളില് മെഡിക്കല് കോളജിലേക്ക് അവയവം എത്തിച്ചെങ്കിലും ശസ്ത്രക്രിയ്ക്കാവശ്യമായ മുന്നൊരുക്കങ്ങള് നടത്തിയിരുന്നില്ല എന്നാണ് കണ്ടെത്തല് മെഡിക്കല് കോളേജിന്റെ ഗുരതര അനാസ്ഥയെത്തുടര്ന്ന് ശസ്ത്രക്രിയ വൈകിയതിന് പിന്നാലെ വൃക്ക രോഗി മരിച്ചു.
