വത്തിക്കാന് സിറ്റി : ആഗോള ക്രൈസ്തവ സഭയുടെ പരമാധ്യക്ഷനായ ഫ്രാന്സിസ് മാര്പാപ്പയുമായി ഇന്ത്യന് പ്രധാനമന്ത്രി നരേന്ദ്രമോദി കൂടിക്കാഴ്ച നടത്തുന്നു. ജി 20 ഉച്ചക്കോടിക്കായി ഇന്നലെ ഇറ്റലിയിലെത്തിയ പ്രധാനമന്ത്രി ഇന്ത്യന് സമയം ഉച്ചയ്ക്ക് 12 മണിയോടെയാണ് മാര്പാപ്പയുടെ വസതിയായ വത്തിക്കാന് പാലസിലേക്ക് മോദി എത്തിയത്.
ദേശീയ സുരക്ഷാ ഉപദേഷ്ടാവ് അജിത് ഡോവലും വിദേശകാര്യമന്ത്രി എസ്. ജയശങ്കറും പ്രധാനമന്ത്രിയെ അനുഗമിച്ചു. ഇന്ത്യന് സമയം 12.15-ഓടെ തുടങ്ങിയ കൂടിക്കാഴ്ച ഇപ്പോഴും തുടരുകയാണ്. ഇന്ത്യയിലെ കൊവിഡ് സാഹചര്യം കൂടിക്കാഴ്ചിയല് ചര്ച്ചയായി എന്നാണ് പുറത്തു വരുന്ന റിപ്പോര്ട്ടുകള്. കൊവിഡിന്റെ രണ്ട് തരംഗങ്ങളെ രാജ്യം എങ്ങനെ അതിജീവിച്ചുവെന്ന് മോദി മാര്പാപ്പയോട് വിശദീകരിച്ചു.
ഇന്നലെ രാവിലെ റോമിലെത്തിയ പ്രധാനമന്ത്രി നരേന്ദ്ര മോദി യൂറോപ്യന് യൂണിയന് കൗണ്സിലിന്റെയും കമ്മീഷന്റെയും പ്രസിഡന്റുമായി കൂടിക്കാഴ്ച നടത്തിയിരുന്നു. ഇറ്റയിലെ പിയാസ ഗാന്ധിയിലും മോദി സന്ദര്ശനം നടത്തി. ഗാന്ധി ശില്പത്തില് പൂക്കളര്പ്പിച്ച മോദി അവിടെ ഇന്ത്യന് വംശജരുമായി സംസാരിച്ചു. ജി 20 ചര്ച്ചക്കിടെ വിവിധ രാഷ്ട്രതലവന്മാരുമായി മോദി പ്രത്യേകം ചര്ച്ച നടത്തും.
ജവഹര്നെഹ്റു, ഇന്ദിരാഗാന്ധി, ഐ.കെ.ഗുജ്റാള്, എ.ബി.വാജ് പേയി എന്നിവര്ക്ക് ശേഷം വത്തിക്കാനിലെത്തി മാര്പ്പപ്പയെ കാണുന്ന അഞ്ചാമത്തെ ഇന്ത്യയുടെ പ്രധാനമന്ത്രിയാണ് നരേന്ദ്ര മോദി. സെന്റ്പീറ്റേഴ്സ് ബസലിക്കയ്ക്കയുടെ അടുത്തുള്ള വത്തിക്കാന് പാലസിലാണ് മോദി-മാര്പ്പാപ്പ കൂടിക്കാഴ്ച. അരമണിക്കൂര് ആണ് കൂടിക്കാഴ്ചയ്ക്ക് സമയം നിശ്ചയിച്ചതെങ്കിലും ഇതിനോടകം ഒരു മണിക്കൂര് പിന്നിട്ടു കഴിഞ്ഞു.