പത്തനംതിട്ട: കോണ്‍ഗ്രസ് അദ്ധ്യക്ഷ സോണിയാ ഗാന്ധിയുടെ നിര്‍ദ്ദേശപ്രകാരം നിര്‍ധനരായ അന്യസംസ്ഥാന തൊഴിലാളികള്‍ക്ക് ട്രെയിന്‍ ടിക്കറ്റിനായുള്ള പണം നല്‍കാന്‍ തയ്യാറാണെന്നറിയിച്ച് ഡി.സി.സി പ്രസിഡന്റ് ബാബു ജോര്‍ജ്ജ് ജില്ലാ കളക്ടര്‍ക്ക് കത്തുനല്‍കി. 154 അന്യസംസ്ഥാന തൊഴിലാളികളാണ് ട്രെയിന്‍ ടിക്കറ്റ് ലഭിക്കാനുള്ള സഹായം ആവശ്യപ്പെട്ട് ഡി.സി.സി വൈസ് പ്രസിഡന്റ് അനില്‍ തോമസ്, ജനറല്‍ സെക്രട്ടറി സുനില്‍. എസ്. ലാല്‍ എന്നിവരുള്‍പ്പെട്ട സമിതിയെ സമീപിച്ചത്. ഇക്കാര്യത്തില്‍ അടിയന്തിരമായി മറുപടി നല്‍കണമെന്ന് ബാബു ജോര്‍ജ്ജ് കത്തില്‍ കളക്ടറോട് അഭ്യര്‍ത്ഥിച്ചിട്ടുണ്ട്.
