കോഴിക്കോട് : കുറ്റിയാടിയില് അന്യസംസ്ഥാന തൊഴിലാളികളും പോലീസും തമ്മില് സംഘര്ഷം. നാട്ടില് പോകണമെന്നാവശ്യപ്പെട്ട് നൂറോളം ബിഹാറുകാര് റോഡിലിറങ്ങി. അന്യസംസ്ഥാന തൊഴിലാളികളുടെ പ്രതിഷേധം നടക്കുന്ന വിവരമറിഞ്ഞെത്തിയ പേരാമ്പ്ര പോലീസുo, രാഷ്ട്രീയ നേതാക്കളും, നാട്ടുകാരും ഇവരെ അനുനയിപ്പിക്കാന് ശ്രമിച്ചെങ്കിലും കാര്യമുണ്ടായില്ല. മുറികളിലേക്ക് തിരിച്ച് പോകണമെന്ന പോലീസിന്റെ നിര്ദ്ദേശം തൊഴിലാളികള് ചെവിക്കൊണ്ടില്ല. തുടര്ന്ന് പോലീസ് ലാത്തിവീശി ഓടിക്കുകയായിരുന്നു. ലാത്തിവീശിയതിനെ തുടർന്ന് തൊഴിലാളികള് പോലീസിനു നേരെ കല്ലെറിഞ്ഞു. തൊഴിലാളികളുടെ കല്ലേറില് നാലു പോലീസുകാര്ക്ക് പരിക്കുണ്ട്. കഴിഞ്ഞ ദിവസം രാത്രിയിലും ഇവര് പ്രതിഷേധം നടത്തിയിരുന്നെങ്കിലും അക്രമാസക്തമായിരുന്നില്ല. നാട്ടിലേയ്ക്കു മടങ്ങി പോകണമെന്നാവശ്യം ഉന്നയിച്ച് ഇന്ന് പാറക്കടവില് റോഡ് കുത്തിയിരപ്പ് സമരവും പ്രതിഷേധവും സംഘടിപ്പിക്കുകയായിരുന്നു.
കോഴിക്കോട് കുറ്റിയാടിയില് അന്യസംസ്ഥാന തൊഴിലാളികളും പോലീസും തമ്മില് സംഘര്ഷം
RECENT NEWS
Advertisment