തിരുവനന്തപുരം : കോവിഡും ലോക്ക്ഡൗണും നിലനില്ക്കുന്ന സാഹചര്യത്തില് സംസ്ഥാനത്ത് പാല് സംഭരണത്തിലുണ്ടായ പ്രതിസന്ധി പരിഹരിക്കാന് അടിയന്തിരയോഗം വിളിച്ചു ചേര്ത്ത് മൃഗസംരക്ഷണവകുപ്പ് മന്ത്രി ജെ ചിഞ്ചുറാണി.
സംസ്ഥാനത്തെ മൂന്നു മേഖലകളില് പ്രവര്ത്തിക്കുന്ന ക്ഷീര സഹകരണ യൂണിയനുകളുടെ നേതൃത്വത്തില് പാല് സംഭരണം ഊര്ജിതമായി നടത്താന് മന്ത്രി നിര്ദ്ദേശം നല്കി. അധികമായി സംഭരിക്കുന്ന പാല് അംഗനവാടികള്, ഡൊമിസിലിയറി കെയര് സെന്റര്, കോവിഡ് ഫസ്റ്റ്ലെയിന് ട്രീറ്റ് മെന്റ് സെന്റര്, ഇതര സംസ്ഥാന തൊഴിലാളി ക്യാമ്പുകള്, ആദിവാസി കോളനികള് തുടങ്ങിയ സ്ഥലങ്ങളില് വിതരണം ചെയ്യുന്നതിനുള്ള പദ്ധതിയും തയ്യാറാക്കി.
