തിരുവനന്തപുരം: മില്മ പാല് വില കൂട്ടിയതിനെക്കുറിച്ച് അറിയില്ലെന്ന് മൃഗസംരക്ഷണ-ക്ഷീരവികസന വകുപ്പ് മന്ത്രി ജെ ചിഞ്ചുറാണി. വില വര്ധനവുമായി ബന്ധപ്പെട്ട ഒരു കാര്യവും അറിയിച്ചിട്ടില്ല. വില വര്ധനവു സംബന്ധിച്ച് മില്മയോട് വിശദീകരണം തേടുമെന്ന് മന്ത്രി അറിയിച്ചു. മില്മ വില വര്ധിപ്പിക്കുമ്പോള് സ്വാഭാവികമായും വിവരം സര്ക്കാരിനെ അറിയിക്കണമായിരുന്നു. എന്നാല് അതുണ്ടായില്ല. എന്താണ് പ്രശ്നമെന്ന് തിരക്കും. വില വര്ധിപ്പിക്കുന്നതിന് മില്മ ഉദ്ദേശിച്ച കാര്യമെന്താണെന്ന് അവരാണല്ലോ പറയേണ്ടതെന്നും മന്ത്രി പറഞ്ഞു.
അതേസമയം പച്ച മഞ്ഞ കവറിലുള്ള പാലിനാണ് വില കൂടുക. മില്മാ റിച്ച് കവര് പാലിന് 29 രൂപയായിരുന്നു ഇത് 30 രൂപയാകും. മില്മ സ്മാര്ട്ട് കവറിന് 24 രൂപയായിരുന്നതില് നിന്ന് 25 രൂപയായി വര്ദ്ധിക്കും.
