തിരുവനന്തപുരം : വെെദ്യുതിമന്ത്രി എം.എം.മണിയെ അടിയന്തര ശസ്ത്രക്രിയക്ക് വിധേയനാക്കി. തലച്ചോറിനും തലയോട്ടിക്കുമിടയിലെ രക്തസ്രാവത്തെ തുടര്ന്നാണ് ശസ്ത്രക്രിയ. തിരുവനന്തപുരം മെഡിക്കല് കോളേജില് വെച്ചായിരുന്നു ശസ്ത്രക്രിയ. ന്യൂറോ സര്ജറി ഐസിയുവിലാണ് മന്ത്രി ഇപ്പോള് ഉള്ളത്. ഇന്നു രാവിലെയായിരുന്നു ശസ്ത്രക്രിയ. മന്ത്രിയുടെ ആരോഗ്യനിലയില് മറ്റ് പ്രശ്നങ്ങളൊന്നുമില്ലെന്നും ശസ്ത്രക്രിയ വിജയകരമാണെന്നുമാണ് റിപ്പോര്ട്ട്. മന്ത്രിക്ക് കുറച്ചുനാള് വിശ്രമം വേണ്ടിവരും.
തലച്ചോറിലെ രക്തസ്രാവത്തെ തുടര്ന്നാണ് മന്ത്രിയെ ഇന്നലെ തിരുവനന്തപുരം മെഡിക്കല് കോളേജില് പ്രവേശിപ്പിച്ചിച്ചത്. അദ്ദേഹത്തിന്റെ ആരോഗ്യ നില തൃപ്തികരമാണെന്നും തുടര് പരിശോധനയ്ക്കുവേണ്ടിയാണ് അദ്ദേഹം ആശുപത്രിയില് കഴിയുന്നതെന്നും മെഡിക്കല് കോളേജ് അധികൃതര് ഇന്നലെ അറിയിച്ചിരുന്നു. ഇടുക്കിയിലെ കോവിഡ് പ്രതിരോധ പ്രവര്ത്തനങ്ങള്ക്ക് നേതൃത്വം നല്കിയിരുന്നത് മന്ത്രി എം.എം.മണിയാണ്.
