പത്തനംതിട്ട : ജില്ലാ കോണ്ഗ്രസ്സ് കമ്മിറ്റിയുടെ നേതൃത്വത്തില് നടക്കുന്ന 80-ാം സ്വാതന്ത്ര്യ ദിനാഘോഷം വിവിധ പരിപാടികളോടെ പത്തനംതിട്ട രാജീവ് ഭവനില് ആഘോഷിക്കുമെന്ന് ഡി.സി.സി സംഘടനാകാര്യ ജനറല് സെക്രട്ടറി സാമുവല് കിഴക്കുപുറം പറഞ്ഞു. സംസ്ഥാന ടൂറിസം, സാംസ്കാരിക വകുപ്പ് മന്ത്രി പി.സി. വിഷ്ണുനാഥ് ഉദ്ഘാടനം ചെയ്യും. ഡി.സി.സി പ്രസിഡന്റ് പ്രൊഫ.സതീഷ് കൊച്ചുപറമ്പില് അധ്യക്ഷത വഹിക്കും. പൊതു സമ്മേളനത്തിന് മുന്നോടിയായി ഡി.സി.സി പ്രസിഡന്റ് പ്രൊഫ. സതീഷ് കൊച്ചുപറമ്പില് പതാക ഉയര്ത്തും. കെ.പി.സി.സി വിചാര് വിഭാഗ് ജില്ലാ ചെയര്മാന് ഡോ.റോയിസ് മല്ലശ്ശേരി സ്വാതന്ത്ര്യദിന സന്ദേശം നല്കും.
കെ.പി.സി.സി കോര് കമ്മിറ്റി അംഗം പ്രൊഫ.പി.ജെ. കുര്യന്, രാഷ്ട്രീയകാര്യ സമിതി അംഗം ആന്റോ ആന്റണി എം.പി, കെ.പി.സി.സി ജനറല് സെക്രട്ടറിമാരായ പി.മോഹന്രാജ്, പഴകുളം മധു എം.എല്.എ, അഡ്വ.എന്. ഷൈലാജ്, എം.എല്.എ മാരായ അബിന് വര്ക്കി കോടിയാട്ട്, സി.വി.ശാന്തകുമാര്, കെ.പി.സി.സി, ഡി.സി.സി, പോഷക സംഘടനാ ഭാരവാഹികള്, പോഷക സംഘടനാ നേതാക്കള് എന്നിവര് പങ്കെടുക്കും. ജില്ലയിലെ ബൂത്ത്, വാര്ഡ്, മണ്ഡലം, ബ്ലോക്ക് കോണ്ഗ്രസ്സ് കമ്മറ്റികളുടെ നേതൃത്വത്തില് വിവിധ പരിപാടികളോടെ സ്വാതന്ത്ര്യദിന പരിപാടികള് സംഘടിപ്പിക്കുമെന്ന് ഡി.സി.സി അറിയിച്ചു.
