കോഴിക്കോട് : വീര്യം കുറഞ്ഞ മദ്യത്തിന്റെ നികുതി ഇളവ് പ്രഖ്യാപിച്ചതുമായി ബന്ധപ്പെട്ട് ഉയർന്ന വിവാദങ്ങളിൽ പ്രതികരിച്ച് മന്ത്രി പികെ ബഷീർ. മദ്യനയം യുഡിഎഫ് ആലോചിച്ച് തീരുമാനിക്കുമെന്ന് അദ്ദേഹം മാധ്യമങ്ങളോട് പ്രതികരിച്ചു. യുഡിഎഫിൽ ലീഗിൻ്റെ അഭിപ്രായം പറയും. മറ്റ് ഘടകകക്ഷി നേതാക്കൾ തങ്ങളുടെ അഭിപ്രായം അറിയിക്കും. ലീഗ് അഭിപ്രായം നേതൃത്വം കൂടിയാലോചിച്ച് തീരുമാനിക്കും. നികുതിയുമായി ബന്ധപ്പെട്ട കാര്യം ആയതിനാലാണ് ധനമന്ത്രി ബജറ്റിൽ ഉൾപ്പെടുത്തിയതെന്നും പികെ ബഷീർ വ്യക്തമാക്കി. പിഎം ശ്രീ പദ്ധതി വിഷയത്തിലും മന്ത്രി പ്രതികരിച്ചു. കാര്യങ്ങൾ വിദ്യാഭ്യാസ മന്ത്രി തന്നെ വിശദീകരിച്ചിട്ടുണ്ടെന്നായിരുന്നു അദ്ദേഹത്തിന്റെ പ്രതികരണം.
അതേസമയം വീര്യം കുറഞ്ഞ മദ്യത്തിനുള്ള നികുതി ഇളവ് നിർദ്ദേശം ജൂലൈ ഒന്നിന് നിയമസഭയിലെത്തുന്ന ധനബില്ലിൽനിന്ന് ഒഴിവാക്കിയേക്കില്ല. ബജറ്റ് പ്രഖ്യാപനത്തിലെ ഇതടക്കമുള്ള നികുതിനിർദേശങ്ങൾ ചട്ടപ്രകാരമുള്ള അംഗീകാരത്തിന്സ മർപ്പിക്കുന്നുവെന്നതിനപ്പുറം, ഇതുവഴി മദ്യക്കമ്പനികൾക്ക് ഏതെങ്കിലും തരത്തിൽ അവകാശവാദങ്ങൾക്കുള്ള നിയമപരമായ സാധുത ലഭിക്കില്ലെന്നാണ് സർക്കാർ വാദിക്കുന്നത്.
