അടൂര് : മന്ത്രി വി.ശിവന്കുട്ടിയുടെ പെഴ്സണല് സ്റ്റാഫും സംഘവും സഞ്ചരിച്ചിരുന്ന കാര് മറ്റൊരു കാറുമായി കൂട്ടിയിടിച്ച് അപകടം. സംഭവത്തില് 6 പേര്ക്ക് പരിക്കേറ്റു. അടൂര് – ചവറ റോഡില് മണക്കാല ഭാഗത്ത് വെച്ച് രാവിലെ 11.30 ഓടെ ആയിരുന്നു അപകടം നടന്നത്. എതിരെ വന്ന വാഹനവുമായി ഇവര് സഞ്ചരിച്ചിരുന്ന കാര് കൂട്ടിയിടിക്കുകയായിരുന്നു. അടൂര് പെരിങ്ങനാട് സ്കൂളില് ഉത്ഘാടന പരിപാടിക്കായി എത്തിയതായിരുന്നു മന്ത്രി.
മന്ത്രിയുടെ അഡീഷണല് പ്രൈവറ്റ് സെക്രട്ടറി രാജീവ് (47), അസിസ്റ്റന്റ് അഖിലേഷ് (30), ഡ്രൈവര് അനുരാജ് (34) എന്നിവര്ക്കും എതിരെ വന്ന കാറില് ഉണ്ടായിരുന്ന ബിബിന് (34), റുബിന് (40), ജിജി സണ്ണി (44) എന്നിവര്ക്കുമാണ് പരിക്കേറ്റത്. പരിക്കേറ്റവര് അടൂര് ഗവണ്മെന്റ് ആശുപത്രിയില് ചികിത്സ തേടി. ഉത്ഘാടനത്തിന് ശേഷം പരിക്കേറ്റവരെ മന്ത്രി സന്ദര്ശിച്ചു.
