കൊച്ചി : ഒന്നാം പിണറായി വിജയന് സര്ക്കാരിന്റെ കാലത്ത് 19 മന്ത്രിമാര് ആശുപത്രി ചിലവ് ഇനത്തില് കൈപ്പറ്റിയത് 73.4 ലക്ഷം രൂപ. ഏറ്റവും കൂടുതല് തുക കൈപ്പറ്റിയത് വനം മന്ത്രിയായിരുന്ന കെ.രാജുവാണ് – 8.68 ലക്ഷം.
ധനമന്ത്രിയായിരുന്ന ഡോ. ടി.എം. തോമസ് ഐസക് 7.74 ലക്ഷവും ആരോഗ്യമന്ത്രി കെ.കെ. ശൈലജ 7.32 ലക്ഷവും കൈപ്പറ്റി യഥാക്രമം രണ്ടും മൂന്നും സ്ഥാനത്തെത്തി. ഏറ്റവും കുറഞ്ഞ തുക ചികിത്സ ഇനത്തില് കൈപ്പറ്റിയത് വ്യവസായമന്ത്രി ഇ.പി. ജയരാജനാണ് – 42,884 രൂപ. ഗതാഗത മന്ത്രിയായിരുന്ന എ.കെ. ശശീന്ദ്രന് വലിയ വ്യത്യാസമില്ലാതെ തൊട്ടടുത്തുണ്ട് -52,361 രൂപ. റവന്യൂമന്ത്രിയായിരുന്ന ഇ. ചന്ദ്രശേഖരന് 73,258 രൂപ മാത്രമാണ് കൈപ്പറ്റിയത്.
കൊച്ചിയിലെ ‘പ്രോപ്പര് ചാനല്’ എന്ന സംഘടന വിവരാവകാശ നിയമപ്രകാരം ശേഖരിച്ച വിവരങ്ങളിലാണ് ഇക്കാര്യം വ്യക്തമായത്. മുഖ്യമന്ത്രിയായിരുന്ന പിണറായി വിജയന് 4.68 ലക്ഷം ചികിത്സ ഇനത്തില് കൈപ്പറ്റി. മറ്റ് മുന് മന്ത്രിമാരുടെ ഇത് സംബന്ധിച്ച ചെലവുകള് ഇപ്രകാരമാണ്.
കെ. കൃഷ്ണന്കുട്ടി -6.62 ലക്ഷം, വി.എസ്. സുനില്കുമാര് -6.04 ലക്ഷം, കടകംപള്ളി സുരേന്ദ്രന് -5.5 ലക്ഷം, ജെ. മേഴ്സിക്കുട്ടിയമ്മ -5.04 ലക്ഷം, ടി.പി. രാമകൃഷ്ണന് -4.36 ലക്ഷം, ജി. സുധാകരന് -3.91 ലക്ഷം, രാമചന്ദ്രന് കടന്നപ്പള്ളി -2.97 ലക്ഷം, എം.എം. മണി -2.49 ലക്ഷം, മാത്യു ടി. തോമസ് -1.82 ലക്ഷം, എ.കെ. ബാലന് -1.55 ലക്ഷം, ഡോ. കെ.ടി. ജലീല് -1.24 ലക്ഷം, പി. തിലോത്തമന് -1.19 ലക്ഷം. വിദ്യാഭ്യാസ മന്ത്രിയായിരുന്ന പ്രഫ. കെ.എന്. രവീന്ദ്രനാഥ് മെഡിക്കല് റീഇംപേഴ്സ്മെന്റ് കൈപ്പറ്റിയതായി രേഖകളില് കാണുന്നില്ല.
